Berisha e nis nga stadiumi sa herë ka dhunë?! Si buçiste në 1996 ‘Qemal Stafa’

AKTUALITET


Bëri bujë lajmi pak javë më parë se Berisha do organizonte Kuvendin “e tij” në “Air Albania”, ish-“Qemal Stafën” historike, të transformuar tashmë tërësisht në një stadium modern.

Qartazi ishte një tregues “muskujsh” ndaj Bashës, për t’i treguar armën më të fortë të tij, tërheqjen e masave njerëzore, gjë të cilën e arrin lehtësisht brenda bazës demokrate, falë karakterit energjik dhe një ligjërimi populist.


Por nuk qe hera e parë që Berisha “zbriste në fushë” në stadiumin më të madh të vendit, njëherësh historik, që dikur mbante dhe emrin e figurës simbol të luftës, Qemal Stafa.

Në pranverë të ’96, në fushatën e atij viti për zgjedhjet e 26 majit, ai do organizonte një tubim politiko-koncertor në këtë stadium. Ishte fushata me slloganin “Vizion 2000”, e kombinuar me shfaqje koncertore, ku merrnin pjesë dhe emrat më të shquar të kohës së këngës shqiptare. Kësisoj, ishte një mbushje e pazakontë e “Qemal Stafës”, kurrë e ndodhur për ndonjë event koncertor shqiptar. Ishte një stërmbushje që të kujtonte vetëm atë për Albano dhe Rominën. Pas tyre dhe pak para “La Bouche”, po e mbushte Berisha.

I çuditshëm është fakti se pak ditë pas këtij koncerti në 1996, policia dhe SHIK i Berishës përdhosën zgjedhjet dhe rrahën barbarisht opozitën socialiste dhe gazetarët në shesh.

Po pas kuvendit në “Air Albania”, Berisha ka paralajmëruar marrjen e selisë së PD me dhunë.

Më poshtë është një video që e tregon këtë. Aty këndon Shirli Polena, një këngëtare korçare që do shkëlqente në fillim e deri nga mesi i viteve ’90, por që më pas nuk u shfaq më në evente të këngës.




Skip to toolbar