Dosja 339, Arta Marku: Së shpejti vendimi nga prokurorët

AKTUALITET



Kryeprokurorja Arta Marku e pranishme sot në Komisionin e Ligjeve ku ka raportuar për kriminalitetin gjatë vitit 2018 është pyetur për dosjen e famshme 339, ku dalin përgjimet ndaj Vangjush Dakos për shit-blerje votash. Marku ka thënë se shumë shpejt do të ketë një vendim për këtë dosje.

“Përgjimet, vazhdojnë të jenë në hetim. E kam shprehur disa herë, që aty ka problematikë, dosjet janë zvarritur, ka pasur vetëm përgjime, që nuk janë zbardhur dhe nëse nuk bëhen janë të palexueshme. Dosja 339 po hetohet nga 2 prokurorë dhe 11 oficerë, aty ka video të patranskriptuara, por do ketë vendimmarrje. Dosja 184 në të njëjtën gjendje, e regjistruar 2 vjet vetëm përgjime. Pas dy vjetëve janë regjistruar emrat e disa personave në hetim, do të ketë vendimmarrje të shpejtë”- u shpreh Marku në Komision.


Ajo gjithashtu është pyetur nga deputeti i PD-së, Lefter Maliqi edhe për vrasjen e bankierit Artan Santo.

Kryeprokurorja tha se vrasja e bankierit Santo është jashtë periudhës së raportimit dhe është një çështje konkrete për të cilën ajo s’mund të japë detaje.

“Për vrasjen e Santos, kjo është një çështje jashtë periudhës për të cilën po raportojmë dhe është një çështje konkrete, për të cilën unë nuk jap të dhëna konkrete”- tha kryeprokurorja.

https://realstory.al/prokuroria-marku-vettingu-krijoi-pasiguri-te-prokuroret-dhe-gjyqtaret/