E rëndë në Tiranë: Gruaja pi fotoksinë pas dhunës nga i shoqi ndaj saj e vajzës, arrestohet 47 vjeçari

AKTUALITET


Një ngjarje e rëndë ka ndodhur në Vaqarr ku një grua, pas dhunës së vazhdueshme nga i shoqi ndaj saj dhe të bijës, ka pirë fotoksinë.

Policia bën me dije se gruaja është nën kujdesin e mjekëve, ndërsa në pranga ka rënë burri i saj, Gentjan Liçaj, 47 vjeç.


Shkak për dhunën dyshohet se janë bërë konfliktet për të bijën e çiftit, 18-vjeçe, të cilën 47-vjeçari kërkonte ta fejonte pa dëshirën e saj.

“Specialistët për Hetimin e Krimeve të Komisariatit të Policisë Nr. 6 arrestuan shtetasin G. L., 47 vjeç, banues në Tiranë, pasi dyshohet se ka konsumuar elemente të veprave penale “Shkaktimi i vetëvrasjes” dhe “Dhuna në familje”. Ky shtetas dyshohet se ka ushtruar dhunë të vazhdueshme ndaj bashkëshortes dhe vajzës së tyre, dhe për shkak të dhunës, bashkëshortja ka konsumuar fotoksinë. Ajo ndodhet në spital, në kujdesin e mjekëve”, njofton policia.




Skip to toolbar