FOTO/ Vrasja e Gentian Bejtjas, gjendet një makinë e djegur, brenda saj 4 kallashnikovë

AKTUALITET


Një makinë e djegur është gjetur në fshatin Hasan pak pas atentatit ndaj Gentian Bejtjas. Dyshohet se makina iu përket autorëve të cilët ekzekutuan Bejtjan. Tipi i makinës është një fouristradë ngjyrë e bardhë, brenda së cilës janë gjetur 4 kallashnikovë. Makina nuk është kqyrur akoma nga policia është gjetur duke u djegur.

Bejtja duket se i ka parë autorët, pasi në oborrin e banesës së tij janë vërejtur shenja gjaku deri në pjesën e pasme të baneses, që sipas kqyrjes nga ana e policisë, dyshohet se ai ka tentuar të largohet për t’i shpetuar atentatit. Ngjarja ndodhi pasditen e kësaj të premteje, ku Bejtja u ekzekutua në oborrin e banesës së tij në Fushë Krujë.


Në 9 janar të vitit 2022 Gentian Bejtja ish-polic burgu, i shpëtoi një atentati me breshëri kallashnikovi, në afërsi të Niklës në Fushë-Krujë, por u plagos në krah miku i tij 31 vjeçar Klodian Stafuka i cili ndodhej me të në makinë gjatë momentit kur ndaluan për të furnizuar makinën në një pikë karburanti.

I njohur si ish-mik i Durim Bamit, person me rrezikshmëri të lartë shoqërore, 42-vjeçari Gentan Bejtja ka qenë i dyshuar për një seri ngjarjesh në zonën e Fushë-Krujës, por jo vetëm.

Në shtator të vitit 2016, ndaj tij u bë një atentat me tritol. Bejtja po udhëtonte me makinën e tij tip “Tuareg”, në fshatin Nikël të Krujës, kur nga poshtë mjetit shpërtheu eksplozivi që e dëmtoi rëndë në këmbë.

42-vjeçari, u përmend shumë si personi i cili dyshohet që së bashku me Enver Stafukën kishin vjedhur makinën me të cilën u krye vrasja e kryekomisar Dritan Lamajt 24 shkurt 2013. Por me vendim gjykate Betja dhe Stafuka u shpallën të pafajshëm me 13 nëntor 2013, pasi u vlerësua se nuk kishte prova të mjaftueshme për dënimin e tyre për akuzën e vjedhjes në bashkëpunim.

Gentian Bejtja është shoqëruar edhe për dy atentate, atë të vrasjes së Ilias Çalit në autostradën Tiranë-Durrës, në prill të 2022-it dhe atentatit ndaj Marklen Hakës në qershor po të vitit të shkuar, por nuk u gjetën prova për ta fajësuar si autor të dyshuar./abcnews.al




Skip to toolbar