FOTOLAJM/ Protesta e Rithemelimit, policia bëhet ‘gardh’ para Kuvendit

AKTUALITET


Teksa nuk na ndan shumë nga protesta e Rithemelimit, që pritet të mbahet sot para Kryesisë së Kuvendit, policia ka nisur zbatimin e planit të masave.

Forcat policore kanë ‘zbarkuar’ para Kryesisë, ndërsa janë bërë gardh në hyrje të këtij institucioni, për t’iu paraprirë çdo përshkallëzimi të mundshëm.


Kujtojmë se protesta e Rithemelimit është parashikuar që të nisë në orën 11:30, ndërkohë që në 12:00 do të nisë seanca e Këshillit të Mandateve, ku do të vendoset mbi fatin e imunitetit të ish-kryeministrit Sali Berisha.

Nga ana tjetër Berisha nuk ka marrë ende një vendim nëse nesër do jetë përballë socialistëve dhe prokurorëve të SPAK-ut, apo do të përfaqësohet me avokatët e tij në këtë mbledhje.

Sakaq, në daljet e tij për mediat, Berisha ka ftuar qytetarët dhe demokratët në protestë.

Pavarësisht vendimmarrjes së këshillit, ish-kryeministri është shprehur se do ta njohë vendimin e Parlamentit, cilido qoftë ai.

Mbetet për t’u parë nëse ky vendim do merret vetëm me votat e 5 socialistëve.




Skip to toolbar