Elvis Shkambi dhe Gjon Shkambi kanë shprehur pendesë dhe i kanë kërkuar falje publike familjes së gjyqtarit Astrit Kalaja, i cili u vra në sallën e gjyqit.
Ata thanë se ngjarja ka ardhur si shkak i tronditjes së lartë psiqike për shkak të kalvarit të gjatë të gjyqeve.
Elvis Shkambi, autori i vrasjes së gjyqtarit Astrit Kalaja është lënë në burg nga Gjykata e Tiranës, pasi iu caktua masa e sigurisë “arrest me burg”.
E njëjta masë sigurie u dha për xhaxhanë e autorit, Gjon Shkambi dhe rojen e sigurisë në gjykatë, Banush Koxhaj.
Vendimi për një çështje pronash i kushtoi jetën gjyqtarit të Apelit të Tiranës, Astrit Kalaja.
Në krye të detyrës, gjyqtari u ekzekutua me armë zjarri pasditen e 6 tetorit. Ai u qëllua me 3 plumba nga Elvis Shkambi, pasi dha vendimin lidhur me një çështje prone në Shkodë