Një 32-vjeçare është arrestuar në kryeqytet me akuzën e mashtrimit, pasi u kishte premtuar viza ne Mbretërinë e Bashkuar dhe paketa turistike.
Arrestimi i shtetases Klaudja Hodos u bë pas kallëzimit nga shtetasit D. Sh. dhe A. Sh., të cilët kanë deklaruar se 32-vjeçarja, e cila administronte një agjenci turistike, me anë të mashtrimit, u kishte marrë atyre shumën e parave 16 700 euro, me premtimin se do t’u siguronte viza pune në Mbretërinë e Bashkuar, si dhe për paketa turistike.
Në cilësinë e provës materiale janë sekuestruar 11 pasaporta, policë sigurimi dhe blloqe me shënime të ndryshme.