Fitorja 0-2 në transfertë përballë Shqipërisë sigurisht i lë një shije të mirë trajnerit të Anglisë, Gareth Southgate. Në një intervistë për “SuperSport” tekniku i tre luanëve theksoi se ndeshja mund të merrte një tjetër rrjedhë nëse Uzuni do të kishte shënuar në fillim të takimit:
“Ishte një ndeshje shumë e vështirë, Shqipëria luajti mirë dhe ishin të organizuar. Luajtën mirë me dhe pa top. Kishin disa raste që në fillim, nëse do të kalonin në avantazh mund të kishte shkuar ndryshe. Arritëm të krijonim pas minutës së 20 dhe ia dolëm të fitojmë. Shqipëria po përmirësohet vazhdimisht dhe e shikoni çfarë probleme të krijojnë. Kanë shpirt skuadre dhe mund të bëjnë mirë. Kush me pëlqeu nga Shqipëria? Nuk e pashë Shqipërinë në planin individual, por mendoj se dy mesfushorët e qendrës e qarkullonin mirë topin. Për mbrojtësit është gjithmonë e vështirë. Ishte një ndeshje e vështirë.”,
tha Sauthgejt.