KAS mori vendim për regjistrimin e PD-së në zgjedhje, reagon Alibeaj

AKTUALITET


Enkelejd Alibea ka reaguar pasi KAS rrëzoi vendimin e Ilirjan Celibashit dhe i hapi rrugë regjistrimit të PD në zgjedhjet e 14 majit.

Në një postim në rrjetet sociale, Alibeaj tha se vonesa e shkaktuar nga Celibashi është një dëm që u është bërë demokratëve dhe shqiptarëve nga zgjatimet e politikës së vjetër në institucionet e pavarura kushtetuese.


“Vendimi i sotëm i KAS është konfirmim i detyrimit ligjor për të regjistruar PD në zgjedhjet lokale të 14 majit. Vonesa gati dy javore për këtë proces, me autor kryekomisionerin Celibashi është një dëm që u është bërë demokratëve dhe shqiptarëve nga zgjatimet e politikës së vjetër në institucionet e pavarura kushtetuese.
Me këtë rast, edhe njëherë ftojmë të gjithë kandidatët demokratë, pa asnjë dallim të bashkohemi dhe të prezantohemi me një kandidat të PD në zgjedhjet lokale. Le të lemë mënjanë mëritë dhe mosmarrveshjet dhe le të bëjmë më të mirën e mundshme përballë regjimit të Edi Ramës”, shkruan Alibeaj. 




Skip to toolbar