Kremlini: Furnizimet me armë të SHBA-së për Ukrainën nuk do të ndikojnë në operacionin ushtarak të Rusisë

BOTA


Furnizimet e Uashingtonit për regjimin e Kievit në asnjë mënyrë nuk do të ndikojnë në rrjedhën ose rezultatet e operacionit special ushtarak, ato vetëm i bëjnë gjërat më keq për vetë ukrainasit”.

Kështu u shpreh zëdhënësi i Kremlinit, Dmitry Peskov, shkruan Tass. Duke komentuar fjalët e Nënsekretares së Shtetit për Çështjet Politike Victoria Nuland për “surprizat” për Rusinë në fushën e betejës, zëdhënësi tha:


“Sa i përket surprizave – po, Shtetet e Bashkuara mbajnë dhe rrisin shkallën e përfshirjes së drejtpërdrejtë në këtë konflikt, vazhdon të provokojë regjimin e Kievit për të vazhduar luftën. Dhe kjo nuk mund të ndikojë në asnjë mënyrë në rezultatin e operacionit special ushtarak. Të gjitha qëllimet do të arrihen. Amerikanët po e bëjnë më të dhimbshme për ukrainasit, amerikanët po bëjnë që të vdesin më shumë ukrainas. Janë amerikanët ata që po e bëjnë këtë dhe ata duhet ta kuptojnë këtë.”

Duke folur për vizitën e Nuland në Ukrainë, Peskov kujtoi se vizitat e saj në Kiev nuk përfundojnë kurrë me asgjë të mirë dhe kjo është vërtetuar mirë nga ngjarjet e vitit 2014.




Skip to toolbar