Lajçak takim “kokë më kokë” me Vuçiç në Serbi, nesër niset drejt Kosovës

AKTUALITET


I dërguari i Bashkimit Evropian për dialogun ndërmjet Kosovës dhe Serbisë, Miroslav Lajçak do të jetë këtë të hënë në Beograd, ndërsa një takim me presidentin serb, Aleksandër Vuçiq është paralajmëruar në orën 12:30.

Presidenca serbe nuk konfirmoi se do të ketë një konferencë të përbashkët, por tha se pas takimit do të publikohet  një komunikatë për media.



Gjithashtu nuk janë bërë të ditura temat që do të diskutohen, ashtu si arsyeja e vizitës.

Por takimi mbahet pak ditë para se të hyjë në fuqi rregullorja e re e Bankës Qendrore të Kosovës për përjashtimin e dinarit serb si valutë e përdorshme për transaksione në vend. Ndërsa të martën Lajçak, do të vizitojë Prishtinën.

Lajçak pritet të takohet me përfaqësuesit e institucioneve vendore, ndonëse akoma nuk ka konfirmim nëse do mbahet një takim në mes të tij dhe kryeministrit të Kosovës, Albin Kurtit

Ndërkohë, bëhet e ditur se tashmë është konfirmuar mbajtja e takimit me zëvendëskryeministrin njëkohësisht kryenegociatorin e Kosovës, Besnik Bislimin.

Është kjo vizita e parë e të dërguarit të veçantë për dialog në këtë vit. Kjo vizitë, gjithashtu, po zhvillohet në periudhën kur procesi i dialogut është duke vegjetuar.

Më herët Zëvendëskryeministri i Kosovës ka thënë se çdo trysni ndaj Bankës Qendrore lidhur me dinarin serb, është ndërhyrje në pavarësinë e këtij institucioni. Ai ka sulmuar dhe Lajçak duke theksuar se nuk mund t’i kërkohet Kosovës të zbatohet pika e 10 e marrëveshjes pa u zbatuar e para duke iu referuar asocacionit të komunave me shumicë serbe. “

“Kjo nuk është marrëveshje për asocacionin”, tha Bislimi.




Skip to toolbar