Mbi 50 policë për të arrestuar Eljon Haton, kush është “ushtari” i Martinajt

AKTUALITET


Më shumë se 50 forca të policisë së Shkodrës, FNSH, por edhe nga RENEA kanë zhvilluar një kontroll të befasishëm në Grudë të Shkodrës për arrestimin e Eljon Hatos. Ky i fundit është i shpallur në kërkim si i dyshuar i përfshirë në dosjen “Metamorfoza”.

Operacioni nuk arriti në arrestimin e Hatos pasi nuk ndodhej në banesë. Shtëpia ku u bë kontrolli është e vëllait të Eljon Hatos, Elkier Hato. Nga sulmet e forcave speciale, u vra një qen që ndodhej në banesë dhe u plagos një tjetër.


Por kush është Eljon Hato?

Eljon Hato është një emër i njohur për drejtësinë shqiptare. Ai njohet ndryshe edhe si miku i Ervis Martinajt, një tjetër person me të shkuar të errët.

Elton Hato, një emër me rekorde kriminale, ka qenë i përfshirë në vrasjen e bujshme në zonën e ish-bllokut në vitin 2018, ku mbeti i vrarë një person. I konsideruar “ushtari” i Ervis Martinajt, Eljon Hato mbeti i plagosur në përplasjen me armë brenda lokal “Monopol” ku u vra Fabiol Gaxha.

Më 12 maj të vitit 2014, Eljon Hato, asokohe 24 vjeç nën efektin e alkoolit ka vrarë një moshatarin e tij pas një sherri banal.

Vrasja e Indrit Hyllit në vitin 2014

Në fshatin Zus në Shkodër, Eljon Hato, asokohe 24 vjeç, ka vrarë Indrit Yllin si edhe ka plagosur Jetmir Mollën. Policia sqaroi asokohe se autori dhe viktima, bashkë me të plagosurin ndodheshin së bashku në një lokal dhe pas një debati banal, Hato ka nxjerrë armë e tij dhe ka qëlluar në drejtim të Indrit Hyllit  Por vetëm një vit më pas, në 2015-ën pasi ndodhej në burgun e Shën-Kollit, Eljon Hato, u akuzua se porositi vrasjen e mjekut radiolog të spitalit të Shkodrës, Agron Terolli. Hato kishte “pajtuar” një 21-vjeçar i cili do të kryente vrasjen, por fatmirësisht policia, falë të dhënave në rrugë operative, arriti ta parandalonte ngjarjen e rëndë.

Çfarë e shtyu Eljon Haton të paguante për kokën e mjekut?

Në 2015-ën, djali i doktorit Agron Terrolli, kishte plagosur me armë zjarri pa leje një person duke e lënë të paaftë fizikisht dhe dënimin për këtë vepër penale e ka kryer në burgun e Shën Kollit, ku qëndronte për të vuajtur dënimin edhe Eljon Hato. Policia u përqendrua asokohe në pistën e një hakmarrjeje të mundshme të Hatos ndaj djalit të mjekut. Ekzekutimi i mjekut dështoi falë ndërhyrjes në kohë të forcave të policisë që prej kohësh kishin nën vëzhgim 21-vjeçarin Osman Mulja, i paguar për të kryer vrasjen.




Skip to toolbar