Negociatori izraelit: Me zgjerimin e operacioneve në Gazën jugore, pengjet janë në rrezik

BOTA


Çdo vendim i kryeministrit izraelit Benjamin Netanyahu për të zgjatur më tej operacionet në Rafah do të rrezikonte jetën e pengjeve. Këtë e ka deklaruar një anëtar drejtues i delegacionit izraelit, i ngarkuar me ndërmjetësimin e pengjeve, raporton transmetuesi izraelit Channel 12.

Ky është një paralajmërim që ka ardhur vazhdimisht nga zyrtarë të huaj, por asnjëherë më parë nga anëtarët e ekipit negociator që negocion për të shpëtuar pengjet ende të mbajtura nga Hamasi. Ekipi drejtohet nga shefi i Mossad-it David Barnea, shefi i Shin Bet Ronen Bar dhe gjenerali i IDF-së Nitzan Alon.


Për negociatorin izraelit, zgjerimi i mëtejshëm i operacionit Rafah do ta bëjë udhëheqësin e Hamasit, Yahya Sinwar, të konsolidojë refuzimin e tij aktual për kompromis, duke dëmtuar përpjekjet për të arritur një marrëveshje në të ardhmen e afërt.

Sipas zyrtarit, në këtë pikë e vetmja strategji që do të funksionojë për të bindur Sinwar të heqë dorë nga kërkesat e tij do të jetë propozimi i një alternative të vlefshme për dominimin e Hamasit në Gaza./abcnews.al




Skip to toolbar