Nigeri/ Persona të armatosur vrasin 21 persona në një treg, rrëmbejnë disa të tjerë

BOTA


Disa persona të armatosur vranë të paktën 21 persona në shtetin veriperëndimor të Nigerit në një sulm në një treg të frekuentuar, thanë banorët vendas dhe një udhëheqës lokal të premten. Sulmi pason rrëmbimin masiv këtë muaj të nxënësve të shkollës dhe disa rrëmbime të mëparshme në Kaduna.

Alhaji Isah Bawale, një udhëheqës tradicional në komunitetin rural Madaka të shtetit Niger tha se persona të armatosur hynë në treg dhe hapën zjarr rastësisht, duke vrarë disa njerëz.


“Ata nuk kursyen askënd, ata vranë dhe rrëmbyen njerëz”, tha ai, duke shtuar se zyrtarët po mblidhnin informacione për të vdekurit dhe të zhdukurit.

Por tre banorë të tjerë thanë se të paktën 21 persona u vranë.

“Ndërsa po flas me ju, rreth 21 persona janë konfirmuar të vrarë,” tha Abdulganiyu Aliyu, i cili ishte dëshmitar i incidentit.

“Ata (personat e armatosur) nuk u ndalën këtu, ata vazhduan duke i zjarrin dyqaneve dhe automjeteve, dhe klinikës brenda zonës së tregut,” tha Aliyu përmes telefonit.

Rrëmbimet nga bandat kriminale që kërkojnë shpërblime janë bërë një dukuri pothuajse e përditshme, veçanërisht në Nigerinë veriore, duke copëtuar familjet që duhet të mbledhin kursime për të paguar shpërblime, shpesh duke i detyruar ata të shesin toka, bagëti dhe drithë për të siguruar lirimin e të afërmve./abcnews.al




Skip to toolbar