Bashkëpunëtori i drejtësisë Nuredin Dumani është duke dhënë dëshminë e tij në gjykatën e posaçme. Këtë të enjte po zhvillohet procesi ndaj të pandehurve për dosjen Plumbi i Artë.
Gjatë procesit që po vazhdon me dyer të mbyllura Nuredin Dumani ka nxjerrë emrin e një tjetër oficeri policie si bashkëpunëtor me krimin sipas tij.
Siç bëjnë me dije burimet e gazetares Anila Hoxha, të pranishme në proces, i penduari tha emrin e oficerit me inicialet K.G që sipas bashkëpunëtorit të drejtësisë “njoftonte për lëvizjet e Oltit ( Elton Kilës” një anëtar të grupit quajtur Henrik Hoxhaj. Ky i fundit më njoftonte mua për lëvizjet e shënjestrës”, mësohet se ka thënë Nuredin Dumani.