Për hakmarrje, policia jep detaje për vrasjen në Lezhë

AKTUALITET


Policia e Lezhës ka dhënë informacion zyrtar për vrasjen e ndodhur sot në mesditë në fshatin Manati, ku mbeti i vrarë 65-vjeçari Lek Lekgjonaj, teksa pak minuta pas krimit u arrestua dhe autori, një 17-vjeçar. Ngjarja ka ndodhur në një zonë rurale, në borrin e një banese në Manati.

Policia neutralizon dhe vë në pranga në kohë rekord, një 17-vjeçar që kreu vrasjen e 65-vjeçarit, para pak minutash, në fshatin Manati të Lezhës.
Shërbimet e DVP Lezhë dhe të Komisariatit të Policisë Lezhë, menjëherë pas marrjes së njoftimit se në fshatin Manati kishte të shtëna me armë zjarri, kanë shkuar menjëherë në vendin e ngjarjes.


Arma Lezhe

Falë reagimit profesional e të menjëhershëm është bërë i mundur neutralizimi dhe kapja e 17-vjecarit Florian Përvathi. 17-vjeçari, rreth orës 12:00, në rrethana ende të paqarta dyshohet se vrau me armë zjarri shtetasin Lek Lekgjonaj, 65 vjeç, banues në Manati, dyshohet për motive hakmarrjeje.

Shërbimet e Policisë kanë sekuestruar dhe armën zjarrit pistoletë me të cilën dyshohet se 17-vjeçari kreu krimin. Grupi hetimor ndodhet në vendngjarje dhe vijon punën për sqarimin e rrethanave të ngjarjes.




Skip to toolbar