Gjashtë persona kanë pësuar lëndime trupore si pasojë e një aksidenti, i cili ndodhi pasdite në Klinavc të Klinës.
Zëdhënësi i Policisë për Rajonin e Pejës, Driton Rugova ka thënë për KosovaPress se në aksident janë përfshirë dy makina, ndërsa personat e lënduar janë dërguar në Spitalin e Pejës për trajtim mjekësor.
“Rreth orës 14:50, policia është informuar se në fshatin Klinavc-Klinë, ka ndodhur një aksident trafiku. Në këtë aksident dy vetura dhe si pasojë e aksidentit 6 persona kanë pësuar lëndime trupore. Të njëjtit janë dërguar në Spitalin rajonal në Pejë për tretman mjekësor,”, ka thënë Rugova.
Autoritetet po hetojnë rrethanat e ngjarjes.