Kryeministri i Shqipërisë, Edi Rama i ka dorëzuar dy banesa të reja të rindërtuara familjeve në Maminas të Shijakut.
Ministri i Rindërtimit, Arben Ahmetaj ka gjetur rastin t’i përgjigjet akuzave të opozitës se shumë familje e kaluan vitin e ri nëpër çadra. Sipas ministrit, numri i familjeve në çadra po vjen duke u ulur teksa konfirmon se deri më tani janë 1 mijë e 58.
“Mora shkas nga disa postime të pseudo-opozitës për ata që janë në çadër. Numri i atyre që janë në çadër vjen gjithmonë duke u ulur. Ka qenë 11 mijë, para 4 javësh ishte 1234, sot ka zbritur në 1058 dhe me mbarimin e banesave në Shijak zbresim nën 1 mijë”, tha Ahmetaj.
Ndërsa kryetari i bashkisë Shijak, Elton Arbana tha se “vetëm në njësinë administrative Maminas janë ndërtuar 120 banesa individuale”. “Siç patëm premtuar brenda 15 janarit do t’i dorëzojmë të gjitha banesat individuale”.