“Rreziqet e Berishës në liri”/ Juristi: Po bën shkelje të rënda, mund t’i ashpërsohet masa!

Më të fundit


Juristi, Romeo Kara në një intervistë në “Tirana Live”, në ABC foli për rreziqet me të cilat mund të përballet ish-kryeministri Sali Berisha, pasi nuk njeh vendimet e Gjykatës.

Juristi theksoi se nuk mund të lihet në liri një njeri i tillë, ndërsa shton se komunikimi i Berishës cënon hetimin.


“Një person që nuk i njeh vendimet e gjykatës i ka kundërshtuar në mënyrë publike, i ka shkelur dhe kur gjykata mendon që mund të prekë hetimin, jemi drejt një procesi dhe një komunikimi akuze. Mendoj që mund të shkojmë drejt një mase tjetër më të rëndë. Pasi ky person nuk e ka problem të thotë se njoh vendimin, dhe ky person edhe mund të ikë.

Ndaj edhe gjykata nuk e ka lejuar të përdorë pasaportën. Në momentin që Prokuroria dhe gjykata mendojnë që komunikimi i tij cënon hetimin atëherë duhet ta ndalojë. Duke dashur të shmangë politikisht procesin, dhe kërkon të mos vazhdohet procesi”, ka thënë ai.

Gjithashtu ai theksoi se ish-kryeministrit mund t’i ashpërsohet masa.

“Një pjesë e madhe e provave janë mbledhur. Do të ketë prova të tjera, patjetër. Nuk mund të lejojmë që kur vihen në një trysni të tillë, e kanë shumë të vështirë të kapërcejnë frikën për zbardhjen e kësaj të vërtete. Ai po bën shkelje shumë të rënda, madje Berisha po bëhet edhe qesharak”, ka përfunduar ai.




Skip to toolbar