Ka ndërruar jetë i riu që mbeti i plagosur pasi mjeti që ai drejtonte shpërtheu. 27-vjecari Aleksander Sadikaj nderroi jete ne spital si pasoje e plageve.
Burimet policore konfirmuan se i riu humbi jetën në spital, ku u dërgua në gjendje të rëndë shëndetësore.
Sa i përket automjetit tip “Wolksvagen” me targë AB077PO, mësohet se nuk është në pronësi të viktimës, por ende nuk ka informacion se kush e zotëron.
Njoftimi i policise:
Më datë 11.06.2022, në orën 13:35, në afërsi të TEG-ut, automjeti tip “Benz”, që drejtohej nga shtetasi A. S., 27 vjeç, ka shpërthyer, dyshohet nga lëndë eksplozive.
Si pasojë është dëmtuar drejtuesi i mjetit dhe ndodhet në spital nën kujdesin e mjekëve, në gjendje të rëndë shëndetësore.
Në vendngjarje ndodhen shërbimet e Policisë, ekipi antieksploziv i RENEA-s dhe Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve.