Ministria e Jashtme ruse tha se sulmi ndaj pajisjeve të komunikimit të grupit të Hezbollahut të Libanit, i cili i është atribuar gjerësisht Izraelit, ishte krijuar për të “provokuar një luftë të madhe në Lindjen e Mesme”.
“Ne e konsiderojmë atë që ndodhi si një akt tjetër të luftës hibride kundër Libanit, e cila ka dëmtuar mijëra njerëz të pafajshëm. Duket se organizatorët e këtij sulmi të teknologjisë së lartë u përpoqën qëllimisht të nxisin një konfrontim të armatosur në shkallë të gjerë për të provokuar një luftë të madhe në Lindjen e Mesme”, tha Maria Zakharova, zëdhënëse e ministrisë së Jashtme ruse.
Më herët, Zakharova tha se incidenti duhet të hetohet dhe se bashkësia ndërkombëtare duhet t’i kushtojë vëmendje të veçantë ngjarjes.
Të paktën nëntë vetë u vranë dhe rreth 3,000 u plagosën nga shpërthimi i pajisjeve të komunikimit./abcnews.al