Një sasi tritoli ka shpërthyer në lokalin e Fran Kolbuçajt 65-vjeç në Shkodër. Ngjarja ka ndodhur rreth orës 05:50 në lagjen Fermentimi.
Pak para se të hapte biznesin e tij, Kolbuçaj konstatoi xhamin e thyer të derës së këtij biznesi. Në videon më poshtë është momenti ku dy autorët kanë vendosur sasinë e lëndës plasëse pak pas mesnate rreth orës 01:30.
Nga shpërthimi fatmirësisht ka pasur vetëm dëme materiale, ndërsa polica dyshon se është vendosur një sasi e vogël tritoli i llojit amonit malor i prodhuar në mënyrë artizanale.
Grupi hetimor, në bashkëpunim me Prokurorinë vijon punën në vendngjarje me qëllim zbardhjen e rrethanave të kësaj ngjarje, si dhe për identifikimin e kapjen e autorit/ëve.