“Të dua babi” – Ivanka Trump në mbështetje të të atit, pasi u shpall fajtor

BOTA


Pas shpalljes fajtor të Donald Trump, mbi të cilin rëndonin 34 akuza në lidhje me çështjen Stormy Daniels, ka reaguar menjëherë vajza e tij Ivanka Trump.

Ajo ka shpërndarë në rrjetet sociale një foto kur ajo ishte vetëm një fëmijë në krahët e të atit. “Të dua babi” ka shkruar Ivanka, një mesazh i qartë ky se ajo e mbështet babain e saj në këtë rast.


Donald Trump u bë ish-presidenti i parë që u dënua për vepra penale të enjten pasi një juri në Nju Jork e shpalli atë fajtor për falsifikimin e dokumenteve për të fshehur një pagesë në këmbim të heshtjes së një aktoreje të filmave pornografikë, përpara zgjedhjeve të 2016-ës.

Sipas urdhrit të gjykatës, Trump u përpoq të blinte heshtjen e Daniels në mënyrë që ajo të mos fliste publikisht për marrëdhënien që kishte pasur me të më herët, para zgjedhjeve të vitit 2016.




Skip to toolbar