Tentuan të futeshin ilegalisht në Britani/ E pësojnë 12 shqiptarë, si ranë në kurthin e policisë

AKTUALITET


Ndalohen nga policia 12 shqiptarë që po tentonin të hynin ilegalisht në Britani. Tre persona mes tyre janë arrestuar pasi dyshohet se kanë tentuar të kontrabandojnë njerëz në Mbretërinë e Bashkuar me një varkë. Dy burra, 34 dhe 44 vjeç, nga Basingstoke, Hampshire, u arrestuan dy ditë më parë pasi mbërritën pranë bregdetit belg, tha Agjencia Kombëtare e Krimit (NCA).

Një burrë i tretë, 46 vjeç, u arrestua në Aylesbury në Buckinghamshire.


Hetuesit besojnë se tre burrat janë pjesë e një bande të organizuar që kontrabandon njerëz nga Evropa në Mbretërinë e Bashkuar.

Arrestimet në Belgjikë, pranë Nieuëpoort, ishin një operacion i përbashkët midis policisë federale dhe NCA.

“Ne besojmë se ky operacion ka ndërprerë një grup të dyshuar të krimit të organizuar të përfshirë në sjelljen e njerëzve në MB ilegalisht,” tha komandanti i degës së NCA, Colin Ëilliams.

Zyrtarët kanë vënë në dukje një rritje të emigracionit të paligjshëm nga Shqipëria , për të cilin janë fajësuar bandat kriminale që kanë një “këmbë” në Francën veriore.

Gati 1,000 njerëz mbërritën me varka të vogla vetëm të shtunën , sipas shifrave të qeverisë. Gati 40,000 njerëz kanë kaluar Kanalin me varka të vogla deri më tani këtë vit, rreth 10,000 më shumë se për të gjithë vitin 2021.




Skip to toolbar