U kapën me 9 kilogramë drogë, pranga tre shqiptarëve në Itali

BOTA


Policia e Cles në Trentino ka arrestuar tre shqiptarë për posedim të lëndëve narkotike me qëllim tregtimin. Arrestimi i tyre u bë pas një kontrolli të ushtruar ndaj një automjeti tip Audi me tre persona në të, ku u gjetën dy doza kokainë, një pistoletë të fshehura në kroskotin e mjetit.

Policia ka ushtruar një kontroll edhe në shtëpinë e të riut shqiptar që drejtonte makinën. Atje ndodheshn dhe dy shqiptarë të tjerë, të cilët tentuan të fshehnin një çantë, brenda së cilës kishte rreth 8 kilogramë e gjysmë hashash, e ndarë në tetë pako.


Në total u sekuestruan gati nëntë kilogramë drogë, përfshirë hashash dhe kokainë, të cilat do të shiteshin në luginat e Noces. Tre shqiptarët u arrestuan dhe u dërguan në burgun Spini di Gardolo.




Skip to toolbar