Vendimi i Apelit/ Hapet rruga e regjistrimit si pronë shtet i sipërfaqeve që u tjetërsuan te Rana e Hedhun

AKTUALITET


Gjykata e Apelit ka rrëzuar vendimin e Gjykatës së Lezhës, duke i hapur rrugë regjistrimit si pronë shtet të sipërfaqeve që u tjetërsuan tek Rana e Hedhun në Shengjin, e për të cilin u dënuan disa zyrtarë, përfshirë edhe ish-kryebashkiakun e Lezhës Fran Frrokaj.

Gazetari Elidon Ndreka raporton për BW se Gjykata e Apelit ka pranuar kërkesën e Prokurorisë të kalimit në favor të shtetit të pasurive të sekuestruara me vendimin nr.304 datë 25.09.2019 dhe vendimit nr.350 date 06.11.2017 e dhënë nga Gjykata e Lezhës për efekt të procedimit penal nr.671 të vitit 2017 për 10 pasuri me sipërfaqe rreth 290 mijë metra katror.


Rana E Hedhun2

Më herët, në shkurt të këtij viti, Gjykata e Lezhës përmes gjykatësit Ilir Perdeda kishte rrëzuar kërkesën e Prokurorisë së Lezhës për kthimin e kësaj siperfaqeje në favor të shtetit, por tashmë është Apeli që i ka dhënë fund sagës se çfarë do të ndodhë me pronat në zonën e Ranës së Hedhun në Shëngjin.




Skip to toolbar