Votimi për delegatët e Kongresit/ Ministri Balla: Test për strukturat e PS

AKTUALITET


Drejtuesi politik i Qarkut Fier, Taulant Balla në përfundim të takimit me përfaqësues vendor të PS Fier ka dalë në një prononcim për mediat.

Balla ka komentuar procesin e votimit për delegatët përfaqësues të Partisë Socialiste Fier të cilët do të përfaqësojnë ketë Qark në Kongresin e kësaj partie në Tiranë.


Deri tani tha Balla procesi ka ecur mire, ndërkohë si risi shihet përfaqësimi gjinor ku përkatësisht meshkuj edhe femrat do të kenë nga 50 përqind të delegatëve. Ndërsa një risi tjetër sipas drejtuesit politik të qarkut do të jetë edhe përfaqësimi i sa më shumë të rinjve.

“Procesi i rienergjizimit të Partisë Socialiste ka hyrë tani në fazën e vetë më të rëndësishme, pasi në momentin që anëtarët e PS thirren për të votuar delegatët. Qarku i Fierit është një nga qarqet në të mëdha, sigurisht pas Tiranës. Procesi i votimit do të zgjasë deri në orën 19:00 dhe do të rihapet nesër në orën 8:00. Në fund të këtij procesi do të kemi përfaqësuesit. Procesi ka ecur shumë mirë, i surprizuar nga pjesëmarrja e deri tanishme. Jam i sigurt që edhe nesër do kemi pjesëmarrje të lartë. Ky është një test për strukturën tonë të partisë, para shtatorit ku ndizen motorët për zgjedhjet e vitit të ardhshëm.”, tha ministri Balla.

Fieri do të përfaqësohet me 140 delegatë dhe është qarku i dytë me numrin më të madh të përfaqësuesve. /abcnews.al




Skip to toolbar