Zbulohet qendra e masazhit e kthyer në “fole” prostitucioni në Tiranë, arrestohet menaxherja

AKTUALITET


Një tjetër qendër prostitucioni zbulohet në kryeqytet.

Bëhet fjalë për një qendër masazesh në Unazën e Madhe, në të cilën ushtrohej veprimtaria e paligjshme e prostiticionit.


Policia e Tiranës bën me dije se qendra e masazheve u zbulua në kuadër të  operacionit policor të koduar “Flower” (Lulja).

Në kuadër të operacionit është shpallur në kërkim një 29-vjeçar, ndërsa është vënë në pranga menaxherja e qendrës së masazheve. Gjithashtu janë proceduar  penalisht 5 shtetas të tjerë.

Finalizohet nga Komisariati i Policisë Nr. 6, operacioni policor i koduar “Flower”.

Kishte përshtatur një qendër masazhesh, për veprimtarinë e kundërligjshme të prostitucionit, shpallet në kërkim 29-vjeçari.

Vihet në pranga menaxherja e qendrës së masazheve, procedohen penalisht 5 shtetas të tjerë.

Specialistët e Seksionit për Hetimin e Krimeve të Komisariatit të Policisë Nr. 6, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërisë, pas një pune të mirëfilltë hetimore, organizuan dhe finalizuan operacionin policor të koduar “Flower”.

Si rezultat i tij:
▪️u arrestua në flagrancë shtetasja M. H., 28 vjeçe, menaxhere në një qendër masazhesh;

▪️u proceduan në gjendje të lirë shtetaset E. H., 26 vjeçe, E. C., 35 vjeçe, K. O., 26 vjeçe, B. K., 25 vjeçe, punonjëse në qendrën e masazheve, dhe shtetasi L. Q., 49 vjeç, banues në Tiranë;

▪️u shpall në kërkim shtetasi M. Xh., 29 vjeç.

Gjatë hetimeve të kryera ka rezultuar se, shtetasi M. Xh., administronte një qendër masazhesh, në Unazën e Re, me menaxhere shtetasen M. H., dhe përveç aktivitetit të regjistruar ligjërisht si qendër masazhesh, ushtrohej edhe aktiviteti i kundërligjshëm i prostitucionit.

Materialet i kaluan Prokurorisë, për veprime të mëtejshme procedurale




Skip to toolbar