Sot është afati i fundit për partitë politike në vend, që të dorëzojnë emrat e kandidatëve për deputetë që do të që garojnë për zgjedhjet e 25 prillit.
Siç është përcaktuar dhe nga KQZ-ja, afati i fundit për dorëzimin e këtyre listave pranë këtij institucioni është ora 00:00. Kujtojmë se opozita e bashkuar ka lidhur në marrëveshje parazgjedhore, ku përfshihen PD, LSI dhe aleatët e tyre, ndërsa PS nuk ka bërë deri tani asnjë marrëveshje. Dje, ambasadorja, Yuri Kim kujtoi mesazhin e SHBA për lista të pastra dhe theksoi se vendi i saj ka qenë i qartë dhe sot do të shihet nëse udhëheqësit e partive e kanë kuptuar këtë mesazh apo jo.
Ndërkohë që kreu i KQZ-së, Ilirjan Celibashi dhe presidenti Ilir Meta i janë drejtuar me një kërkesë qeverisë, ministrisë së Brendshme dhe Kuvendit që të shtyhet afati i kartave të identitetit që skadojnë para 25 prillit.