Ministrja e Jashtme Olta Xhaçka ka zhvilluar një takim me ambasadoren e Shteteve të Bashkuara të Amerikës në OKB Linda Thomas-Greenfield.
Xhaçka njofton se mes tyre u zhvillua një bisedë për një sërë çështjesh, në të cilat vendet tona po punojnë ngushtë.
“Takim i shkëlqyer me ambasadoren e Shteteve të Bashkuara të Amerikës në OKB Linda Thomas-Greenfield.
Bisedë e frytshme për një sërë çështjesh, në të cilat vendet tona po punojnë ngushtë së bashku. Presim të thellojmë bashkëpunimin me miqtë dhe partnerin tonë strategjik, gjatë mandatit të Shqipërisë në Këshillin e Sigurimit të Kombeve të Bashkuara, 2022 – 2023. ” shprehet Xhaçka.
Kujtojmë se kryeministri Edi Rama së bashku me disa prej ministrave, ndodhet në Shtetet e Bashkuara të Amerikës për të marrë pjesë në Mbledhjen e Asamblesë së Përgjithshme të Kombeve të Bashkuara.