Një laborator kriptomonedhash është zbuluar nga policia në qytetin e Krujës. Ky zbulim u bë gjatë aksionit të OSHEE kundër vjedhjes së energjisë elektrike.
Mësohet se zbulimi ka ardhur nga një aksion i OSHEE në Krujë, pasi një subjekt ishte i dyshuar për shpenzimin e lartë të energjisë.
Pas kontrolleve në një banesë që rezulton e marrë me qira u zbuluan edhe kompjuterët e teknologjisë së lartë që përdoren për të krijuar monedhat virtuale.
Shqipëria ende nuk e ka rregulluar me ligj prodhimin e monedhave virtuale dhe deri më tani ky aktivitet është ilegal.
