Bordi i Akredimit të Institucioneve të Arsimit të Lartë mohon që kryetarja e tij Shqiponja Telhaj u shpërblye me një çantë Louis Vuitton për ti dhënë akreditimin Kolegjit Universitar “Ëisdom” në Tiranë, pronari dhe administrator i të cilit u arrestuan në Itali pak ditë më parë me dyshimin se janë përfshirë në një skandal te shitjes se certifikatave dhe diplomave false per shtetas italianë.
Përmes një reagimi të shpërndarë në rrjetet sociale nga Telhaj Bordi thotë se Shqiponja Telhaj nuk ka ushtruar detyrën e Presidentes së Agjencisë së Sigurimit të Cilësisë në Arsimin e Lartë, por atë të kryetares së Bordit të Akreditimit.
Duke shfajësuar kryetaren e tij Bordi bën fajson dikë tjetër;
“Prof. Shqiponja Telhaj nuk ka ushtruar në asnjë moment detyrën e presidentes së Agjencisë së Sigurimit të Cilësisë në Arsimin e Lartë (ASCAL), por ushtron nga korriku 2021 detyrën e Kryetares së Bordit të Akreditimit. Përgjimet i referohen “Presidente della ASCAL”, ndërsa në komentet e dosjes është vënë gabimisht emri (i përkthyer) i kryetares së bordit si drejtuese e institucionit të ASCAL.”
Në përgjimet e publikuara të dosjes hetimore, personat e akuzuar shprehen se kanë shkuar për darkë më 8 Mars 2022 datë kur Kryetarja e Bordit të Akreditimit thotë se ka qenë në Mbretërinë e Bashkuar ku jeton dhe zhvillon aktivitetin e saj akademik.
Bordi I Akredimit të Institucioneve të Arsimit të Lartë thotë se faktet janë lehtësisht të verifikueshme nëpërmjet sistemit TIMS.
Bordi i Akreditimit i drejtuar nga Telhaj thotë se deri më sot nuk ka marrë asnjë vendim për akreditimin institucional të institucionit në fjalë ndërkohë;
“E gjithë vendimmarrja e Bordit lidhur me akreditimet mbështetet në raportet e hartuara nga ekspertët që përcaktohen nga ASCAL dhe dokumentacionet e dorëzuara nga institucionet.”
Bordi I Akredimit të Institucioneve të Arsimit të Lartë thotë se Shqiponja Telhaj do ta ndjekë çështjen ligjërisht për të kërkuar tërheqje dhe kërkim falje për akuzat e rreme.
Ndërkohë ky institucioni bën thirrje autoriteteve të hetojnë çështjen dhe të korrigjojnë gabimet në dosje pasi thotë se incidente të tilla ndikojnë në reputacionin dhe integritetin e të gjithë bordit.