Protestoi me flamuj të Gjermanisë, por Berlini ishte i pari që i dënoi protestën. Gjermania ka reaguar ashpër ndaj dhunës së Sali Berishës dhe mbështetësve të tij ditën e diel, duke i bërë thirrje Partisë Demokratike të divorcohet publikisht nga dhuna.
Deklarata gjermane kundër protestës së dhunshme është një tjetër goditje ndaj selisë blu, e cila përmes Jorida Tabakut dhe ndonjë eurodeputeti gjerman, ishte përpjekur të normalizonte raportet mes Berishës dhe gjermanëve, raporte që tani kthehen sërish në pikën zero.
Analisti Rezart Kthupi, i ftuar në “Real Story” u shpreh se Sali Berishës i intereson vetëm një bazë e vogël, e ngurtë dhe besnike. Sipas tij, Berisha e ka zgjidhur çështjen e rikonfirmimit të tij në krye të Partisë Demokratike.“Berishës i intereson një bazë e ngurtë, besnike, gjithmonë e gatshme për të shkuar në sakrifica ekstreme, siç është protesta e dhunshme. I duhet ky grupim. Berisha e ka mbyllur çështjen e rizgjedhjes së tij në krye të PD. Strategjia e Berishës ka qenë gjithmonë e njëjte: i duhet një armik i brendshëm.
Berisha nuk lejon ngritjen e individit që konkurron atë. Votat nuk i vjedh Berisha, por votat i vjedh vetë Paloka. Nëse i heq Palokën, atij i heq Berishën një mekanizëm me të cilën ai mbetet pafundësisht kryetar, Strukturën e zgjedhjeve nuk e komandon Berisha, e komandon Flamur Noka dhe e zëvendëson me një problem jo besnik i Berishës I Ke hequr dhe një mekanizëm tjetër dhe problemi nuk është individi Berisha, problemi është sistemi që Berisha ka brenda PD, që e bën të pamposhtur. Nëse do kishte kryetar të gjykatës së partisë, ti s’do ta lejojë Berishën të kandidonte, sepse gjykata bën interpretimin e statutit dhe nuk të lejon të kandidosh”, theksoi ai.
Ai theksoi se Berisha frikë nuk ka Salianjin, por nivelet e dyta dhe të treta në Partinë Demokratike.
“Berisha nuk ka frikë Salinaji, por ka frikë një lëvizje, që do ti cenonte nivelet e dyta dhe të treta të partisë, ai është pushteti real i Berishës brenda partisë”, tha ai.