Kryeministri grek, Kyriakos Mitsotakis, është përfshirë në një aksident me biçikletë ditën e sotme dhe ka përfunduar në spitalin e Hanias për kontrolle mjekësore.
Sipas raportimeve të mediave greke, Mitsotakis po lëvizte me biçikletë kur rrota e përparme rrëshqiti, duke bërë që ai të humbiste ekuilibrin dhe të rrëzohej.
Pas incidentit, kryeministri grek u dërgua në spitalin e Hanias, ku iu nënshtrua ekzaminimeve për të përcaktuar nëse kishte pësuar dëmtime më serioze.
Nga kontrollet mjekësore u konstatua se Mitsotakis kishte pësuar një dëmtim në dorë, si dhe disa gërvishtje të lehta si pasojë e rrëzimit.
Për të përjashtuar dëmtime të tjera, mjekët i kryen edhe një grafi.
Pas marrjes së ndihmës së parë dhe përfundimit të kontrolleve të nevojshme, kryeministri grek u largua nga spitali.