Një aksident tragjik ka ndodhur gjatë natës në Itali, ku raportohet se një 49-vjeçar shqiptar ka humbur jetën. Ngjarja e rëndë ka ndodhur në Fossano, ku 49-vjeçari me iniciale M. A. ishte duke udhëtuar me një makinë ‘Fiat 500’ kur është përplasur kundër një makine tjetër, që po drejtohej nga një grua.
Në këtë aksidenti është përfshirë edhe një makinë tjetër, e tretë. Sipas policisë, kanë mbetur të plagosur edhe tre persona të tjerë, por me plagë të lehta. Për shkak të aksidentit, rruga është bllokuar për më shumë se 2 orë.