Amelia dhe familja e saj kanë tashmë një strehë ku të qëndrojnë pasi tërmeti i 26 nëntorit i shembi shtëpinë. Ajo ishte strehuar në çadrat e ngritura në Manëz, por tashmë ajo është vendosur në një nga kontejnerët e vëna në dispozicion.
Lajmin e ka bërë të ditur ministrja e Shëndetësisë dhe Mbrojtjes Sociale, Ogerta Manastirliu, e cila thekson se familjet e ndodhura na kampin e emergjencës në Manëz po sistemohen në njësitë e reja.
“Amelia nga sot ka një strehë më të përshtatshme, një njësi strehimi të lëvizshme, ku është sistemuar e gjithë familja Jonuzi në Manëz. Si familja e Amelias, një e nga një familjet e vendosura në kampin e emergjencës në Manëz po vendosen në njësitë e reja, që sigurojnë kushtet e nevojshme edhe për më të vegjlit. Ndërsa shërbimi mjekësor vijon të ofrohet pa ndërprerje për çdo banor të prekur nga tërmeti!”, shkruan Manstriliu.