Gjatë fundjavës të javës që lam pas, Policia Rrugore vijoi me kontrolle të përforcuara në rrugët e kryeqytetit duke arrestuar disa persona dhe pezulluar dhjetëra leje drejtimi. Konkretisht. Sipas një komunikate të lëshuar nga Policia e Shtetit, gjatë javës së kaluar janë arrestuar 37 drejtues mjetesh dhe motomjetesh. Nga këta, 17 shoferë janë arrestuar në gjendjet ë dehur, 18 të papajisur me leje drejtimi si dhe 2 drejtues mjetesh u arrestuan për “Korrupsion aktiv ndaj personave që kryejnë funksione publike”.
Gjithashtu, janë pezulluar 98 leje drejtimi, nga të cilat 26 për drejtim mjeti nën efektin e alkoolit, 59 për shpejtësi mbi normat e lejuara, si dhe 13 për shkelje të tjera të rregullave të qarkullimit rrugor. Ndërkohë, numri i gjobave ndaj drejtuesve të mjeteve për shkelje të rregullave të qarkullimit rrugor është mbi 3 mijë në pak ditë. Konkretisht, 138 drejtues motomjetesh janë proceduar administrativisht për mospërdorim të kaskës mbrojtëse.
54 shoferë kanë marrë gjobë për shkelje të semaforit, 352 shoferë janë gjobitur pasi kanë përdorur celularin gjatë drejtimit të mjetit, 146 shoferë janë gjobitur pasi nuk u dhanë përparësi këmbësorëve. Ndërsa, për parkim të gabuar, janë gjobitur 2934 mjete. Ndërkohë, gjatë ditës së hënën, kur u kremtua 107 vjetori i themelimit të Policisë së Shtetit, drejtuesit e kësaj organizate u shprehën se viti 2020 do të jetë viti i sigurisë rrugore.
