Kryeministri Francës Jean Castex në një intervistë për ‘France 2’ ka deklaruar se nuk përjashton një lockdown të ri nëse situata në vendin e tij përkeqësohet më tej.
“Nuk luhet me pandeminë”- shtoi kreu i qeverisë franceze duke bërë thirrje që të gjithë të tregohen të kujdesshëm dhe të zbatojnë masat.
“Nëse nuk veprojmë mund të ndodhemi në të njëjtën gjendje që kemi qenë në pranverë dhe kjo mund të nënkuptojë një ripërkufizim, nëse situata do të përkeqësohej më tej”-tha Jean Castex.
Në Paris ndalohet grumbullimi i më shumë se 10 personave në hapësira publike, festat e studentëve, baret dhe restorantet do të mbyllen pas orës 22:00. Më të ashpra ishin kufizimet në Marsejë, qytet që konsiderohet epiqendër për transmetimin e virusit. Në Marsejë që prej ditës së hënë do të mbyllen baret dhe restorantet. Ditët e fundit në Francë ka pasur një numër të lartë të të infektuarve të rinj, me raste ditore mbi 10 mijë persona.
Që prej nisjes së pandemisë Franca ka regjistruar 497,237 të infektuar me COVID-19, nga të cilët kanë vdekur 31,511, ndërsa të shëruar janë 94,413 persona.
