Një aksident i rëndë ka ndodhur mbrëmjen e kësaj të mërkure në rrugën Korçë-Pogradec. Dy makina janë përplasur me njëra-tjetrën në afërsi të fshatit Podgorie. Një person ka mbetur i vdekur. Po ashtu një tjetër ka mbetur i plagosur.
Siç duket edhe nga pamjet, përplasja ka qenë shumë e fortë. Dy makinat kanë pësuar dëme shumë të mëdha. Ndërkohë në vendin e ngjarjes ndodhet policia, e cila ka nisur hetimet për këtë aksident të rëndë.
“Në aksin rrugor “Korçë-Pogradec” automjeti tip “BMW”, me drejtues shtetasin A. C.,është përplasur me automjetin tip “Audi” me drejtues shtetasin K. L. Si pasojë e përplasjes ka ndërruar jetë drejtuesi i automjetit tip “BMW”, shtetasi A. C., dhe ka ngelur i dëmtuar drejtuesi i automjetit tip “Audi” shtetasi K. L., i cili po merr ndihmë mjekësore në spital. Grupi hetimor ndodhet në vendngjarje dhe po punon për zbardhjen e rrethanave të aksidentit”, tha policia në një njoftim për mediat.