Vetëm një ditë pasi dolën faturat që tregojnë se Lulzim Basha paguante 3700 euro nga paratë e taksapaguesve shqiptarë për katër net në një resort luksoz në Zvicër kur ishte ministër i Jashtëm, kreu i opozitës është kujtuar për të qarë hallet e të varfërve në Shqipëri.
“Varfëria, papunësia, mungesa e mundësive vijnë nga grabitja që po i bëhet Shqipërisë nga Edi Rama me një grusht klientësh. Paratë tuaja, paratë e shqiptarëve po i vjedh Edi Rama me familjen dhe miqtë e tij. Pasurohen të pushtetshmit dhe të pasurit, varfërohen njerëzit e thjeshtë dhe të pambrojtur”, shprehet Basha në rrjetet sociale, ndërsa shton se miliardë euro janë abuzuar dhe shpërdoruar nga Edi Rama këto 6 vjet për tekat e tij në fasada dhe luks dhe shqiptarët nuk sigurojnë dot bukën e përditshme.
Megjithatë, ai harron të përmendë se vetë kur ka qenë ministër i jashtëm, pikërisht në janar 2009, ka shpenzuar mbi 3 mijë e 700 euro për katër net qëndrimi në një resort me pesë yje në Zvicër. Konkretisht, lideri i opozitës ka qenë në zonën turistike të Klostersit, në restorin e quajtur “Piz Buin”. Resorti me pesë yje ofron dhoma. Madje, ndërsa tregon abuzimet, Basha harron faktin që i shpëtoi akuzës për abuzimet në Rrugën e Kombit për dëmin shkaktuar buxhetit të shtetit.
