Bashkimi Evropian ka miratuar një paketë të re financiare prej 171 milionë eurosh për katër vende të Ballkanit Perëndimor. Vendimi është marrë në orët e fundit nga Komisioni Evropian dhe është bërë publik nga Brukseli.
Nga kjo paketë përfitojnë Shqipëria, Bosnje dhe Hercegovina, Mali i Zi dhe Maqedonia e Veriut. Fondet synojnë të mbështesin zhvillimin ekonomik dhe afrimin e këtyre vendeve me BE-në. Një pjesë e konsiderueshme e financimit do të shkojë për projekte infrastrukturore. Në fokus janë energjia e pastër, transporti dhe rrjetet digjitale.
Investime do të ketë edhe për furnizimin me ujë të pijshëm dhe trajtimin e ujërave të ndotura. Paralelisht, Bashkimi Evropian do të mbështesë bizneset e vogla dhe të mesme. Qëllimi është forcimi i ekonomisë dhe krijimi i vendeve të reja të punës.
Në këtë paketë financimi nuk përfshihet Kosova. Sipas Komisionit Evropian, Kosova nuk ka përfituar për shkak të mosplotësimit të disa kushteve teknike dhe procedurale në këtë fazë. Brukseli thekson se mbështetja për Kosovën mbetet në agjendë dhe do të rishikohet në vendimet e ardhshme.
Autoritetet evropiane kanë nënvizuar se Ballkani Perëndimor është prioritet strategji dhe financimi është pjesë e planit të rritjes dhe integrimit gradual në BE. Projektet pritet të nisin zbatimin në muajt në vijim, në bashkëpunim me qeveritë përkatëse.