Kreu i PDIU-së Shpëtim Idrizi, i ftuar në emisionin “Real Story” në “News 24”, duke folur për faktin se kryeministri Edi Rama deklaroi se çështjen e detit do ta çojë në Hagë, u shpreh se ky nuk është një lajm i mirë për Shqipërinë.
Idrizi theksoi se Edi Rama e përzuri Partinë Drejtësi, Integrim dhe Unitet nga qeveria, bashkë me çështjen çame e sot ndryshon deklaratat e tij.
“U bë mirë që Marrëveshja e detit u dërgua në Kushtetutese. Fillimisht u tha se do bëhet marrëveshje e re. Duhet të negociojmë vetëm për zonën ekonomike dhe shelfin kontinental. Dërgimi në Hagë nuk është mirë për Shqipërinë. Rama në fillim tha Greqia nuk e ka me ne, pastaj ndryshoi deklaratat.
Që të shkohet në Hagë, duhet që të dyja palët duhet të mos merren vesh dhe unë s’e kuptoj se përse nuk janë kuptuar, nuk na e thonë. Duhet të diskutojnë për shelfin kontinental dhe jo për detin. Unë nuk kam ikur nga Rama, por Edi Rama na përzuri ne bashkë me çështjen çame”, tha Idrizi.