Në Konferencën e Kryetarëve, Gazment Bardhi i ka kërkuar kryeparlamentares Lindita Nikolla që të fusë në rend dite interpelancën me kryeministri Edi Rama, në lidhje me akuzat ndaj Olsi Ramës.
Nikolla i është përgjigjur kërkesës së Bardhit duke thënë se interpelanca nuk parashikon çështje personale.
Pjesë nga debati:
Bardhi Kryetares së Kuvendit: Kushtetuta dhe rregullorja të detyron të përfshish në rendin e ditës interpelancën me Kryeministrin. Nuk ka tager ligjor dhe kushtetues që kryeministri të vendos arsyet dhe temat e thirrjes në interpelancë ashtu siç nuk ka tagër te refuzoje. Kjo është shkelje e hapur kushtetuese
Nikolla: Interpelanca nuk parashikon çështje personale.
Bardhi: Çështjet që kam ngritur ndaj Kryeministrit, nuk janë çështje personale. Nuk kam interes se si shkon ai me vëllain e tij apo pse i ka vënë mbrojtje nga garda dhe nga kush kërcënohet vëllai për tu mbrojtur nga oficerët e gardës
Çuçi: Këtu jemi në Konferencë Kryetarësh, jo në mbledhje grupi parlamentar apo mbledhje partie. Përgjigjja është e qartë, s’ka lidhje me objektin e kërkesës për interpelancë që kërkon Bardhi. Nuk mund të jetë çdo tryezë për të thënë çdo gjë që na vjen në mendje. S’ka arsye të zgjatemi në këtë pikë”.