Një 24-vjeçar u arrestua në Uashington, në zonën e Capitol Hill, me akuzën se donte të vriste kryetarin e Dhomës së Përfaqësuesve Mike Johnson, shefin e Pentagonit Pete Hegseth dhe sekretarin e Thesarit Scott Bessent.
Mediat ndërkombëtare bëjnë të ditur se Ryan English iu afrua policisë pranë hyrjes së Kongresit. Pas kontrollit, atij iu gjet një thikë xhepi dhe një koktej molotov, ndërsa një tjetër bombë u gjet në makinën e tij.
Arrestimi ka ndodhur mbrëmjen e së hënës. Ai më pas pranoi se ishte larguar nga Masaçusets me qëllimin për të vrarë Johnson, Bessent dhe Hegseth, të cilët ai i përcaktoi si “nazistë”.
Që nga janari i vitit 2024, Policia e Kapitolit ka konfiskuar më shumë se 50 armë, jashtë ndërtesave të Kongresit që ndodheshin ilegalisht në territorin e Kapitolit.