Adri Nurellari anëtar i Kryesisë së PDK në Kosovë, në emisionin “Real Story” në ABC News, foli për ndeshjen Itali-Shqipëri, ku kombëtarja jonë pësoi humbje. Por vëmendje shumë të madhe në Gjermani mori tifozeria shqiptare, duke veshur jo vetëm stadiumin por edhe rrugën e Gjermanisë kuq e zi.
Gjatë kësaj interviste, Nurellari u shpreh se me gjithë çfarë u ofrua nga tifozeria shqiptarë theu stereotipin e krijuar prej kohësh për zhurmën rrëmujën që mund të mbahen mend shqiptarët. Por këtë herë e gjitha ishte magjike, dhe tifozeria shqiptare tregoi një qytetari të vërtetë.
“Ne thyem këtë stereotipin dhe treguam fytyrën e vërtetë qytetarie. Është një dimension i madh i unitetin kombëtar edhe mënyra se si u tregua. Pra në kushtet kur ne kemi një largim masiv kjo është e mirëpritur”, tha ai.
Nga ana e tij analisti Mentor Nazarko u shpreh se shqiptarët prodhuan një surprizë pozitive dhe se shpërfaqën vlera të qytetarisë.
“Pata rastin që për herë të parë të hyja brenda tifozëve kuq e zi. Njëri prej tyre, iniciator edhe i vendosjes së monumentit të Skënderbeut, janë djem e vajza që komunikojnë dhe bashkëpunojnë dhe mendojnë në mënyrë kreative për atë që është koreografia e kuq e zi. Organizimi i kësaj tifozerie, tregoi se nuk është një tifozeri agresive”, u shpreh ai./abcnews.al