Pasditen e të dielës në Sarandë ka ndodhur një aksident, ku janë përfshirë dy turistë të huaj. Mësohet se në aksident janë aksidentuar me motor në Sarandë. Bëhet fjalë për një shtetas italian dhe një suedez, të cilët kanë marrë dëmtime të rënda nga aksidenti.
Për këtë arsye është bërë dërgimi i tyre drejt Spitalit të Traumës me helikopter. Lajmin e ka dhënë Ministrja e Shëndetësisë Ogerta Manastirliu, e cila ka shkuar në rrjetet sociale për këtë ngjarje.
“Dy turistë të huaj janë shpëtuar falë ndërhyrjes në kohë të Njësisë së Helikopterëve dhe koordinimit të shërbimit në territor nga Urgjenca Mjekësore. Dy të rinjtë e aksidentuar, një shtetas suedez dhe një shtetas italian janë transportuar në kohë nga spitali i Sarandës drejt Spitalit Universitar të Traumës, ku po marrin trajtimin e duhur mjekësor. 281 misione me autoambulancë dhe 4 me helikopter janë kryer në zonat turistike që prej nisjes së sezonit veror”, shkruan Manastirliu.