Gazetari Alfred Lela i ftuar në emisionin “Real Story” në “News 24”, duke folur për vizitën e Edi Ramës në Rusi tha se ai bën deklarata që duken sikur janë të mëdha, për të fituar kredite të brendshme politike.
Lela theksoi se Edi ama vuan nga sindroma e një mini-diktatori, duke bërë deklarata thuajse të njëllojta si të Enver Hoxhës.
“Rama bën gjoja liderin global, më tepër nga se mund t’i shkojë kryeministrit të Shqipërisë. Deklaratat e Ramës që në Serbi janë më shumë për kreditë të brendshme, pra për të bërë lojën që në Tiranë po bën politika, sesa janë reale. Bën liderin global, sepse do që të projektohet sikur po bën politika të mëdha. Të gjithë udhëheqësit në botë e bëjnë këtë. Unë këtë lexim bëj. Bëhet gjoja politika e madhe, për konsum të brendshëm. Rama sikur ka sindromën e Enver Hoxhës. Ne nuk rrezikohemi nga Rusia, se nuk jemi afër me shtetin rus”, tha Lela.