Arba Kokalari, mbesa e Musine Kokalarit internuar nga sistemi komunist, ka marrë një post të rëndësishme në Parlamentin evropian,. Pasi u zgjodh eurodeputete për të përfaqësuar zërin e Suedisë, Arba Kokalari është zgjedhur edhe zëvendëspresidente e Parlamentit Europian për Partitë Popullore si dhe raportuese e BE-së për Stambollin, dy poste mjaft të rëndësishme për eurodeputeten e parë shqiptare. Lajmi është dhënë nga vetë Arba në Facebook.
“Jam emëruar zëvendëspresidente e Parlamentit Europian për Partitë Popullore si dhe raportuese e BE-së për Stambollin, ku do të fokusohem tek ndalimi i dhunës ndaj grave., i cili është një mbrojtje për ndalimin e dhunës ndaj grave. Dhuna ndaj grave është një problem serioz që kërkon veprim të fuqishëm. Suedia tashmë ka nënshkruar konventën. Tani është koha që e gjithë BE-ja ta bëjë atë.” – ka shkruar Kokalari
Arba Kokalari, nën programin e partisë “Moderata” arriti të hynte në PE, duke u bërë e para shqiptare që ulet në këtë parlament. Ajo ka lindur në Tiranë më 27 nëntor 1986, më pas bashkë me prindërit, motrën dhe vëllain emigruan drejt Suedisë. Arba është mbesa e Musine Kokalarit, shkrimtarja jeta e të cilës u shkatërrua nga sistemi komunist.