Nënë e bijë, 74 dhe 54 vjeç janë gjetur pajetë në banesën e tyre në lagjen numër 17 në Korçë. 54-vjeçarja Ornela Vangjeli kujdesej për nënën e saj e cila ishte e paralizuar.
Dyshohet se fillimisht ka humbur jetën 54-vjeçarja si pasojë e një ataku kardiak dhe më pas ka ndërruar jetën nëna 74-vjeçe.
Mësohet se Ornela Vangjeli ishte mësuese në shkollën në Vithkuq. Sipas dëshmive të fqinjëve e moshuara ka qenë e paralizuar dhe vajza e saj kujdesej për të. Prej ditës së diel nënë e bijë kanë shkëputur kontaktet me familjarët që ishin kryesisht në Greqi.
Ka qenë djali i cili nuk ka arritur të lidhej nënën, ka njoftuar të afërm të tjerë pas humbjes së kontaktit dhe më pas janë përballur me ngjarjen e rëndë.
Ndërkohë mbetet të bëhet ekspertiza nga ana e mjekut ligjor.