Edhe Jennifer Aniston u bë me instagram. Aktorja e njohur e serialit “Friends” ishte betuar se nuk do hapte asnjëherë një llogari në Instagram, mirëpo diçka e ka bërë të ndryshojë mendim dhe aktorja e njohur ka tashmë një profil të sajin në rrjetin e famshëm social. Ditën e martë 50-vjeçarja ka hapur llogarinë e saj dhe ka postuar një foto të veçantë.
Fotoja me aktorët e serialit të famshëm“Friends”, i ka gëzuar pa masë fansat, pasi aludohet se ky serial mund të rikthehet. Matt LaBlanc, Courteney Cox, Matthew Perry, Lisa Kudrow dhe David Schwimmer, thyen rekorde shikueshmërie me serialin “Friends” dhe një rikthim i tyre do t’i gëzonte pa masë adhuruesit e tij. “Tani jemi edhe miq Instagrami. Përshëndetje Instagram”- shkruan aktorja e njohur. Të rrimë me shpresë se mund t’i shohim sërish bashkë në një tjetër sezon të Friends.
